KORONADAL CITY- Mangin ang mga Pinoy sa Texas, USA ang nagbatyag sang kahadlok sa nagluntad nga panibag-o nga pagpangluthang sang 18-anyos nga suspek sa isa ka Elementary School sa Amerika.
Ini ang ginpakigbahin ni Bombo International News Correspondent Pinoy Gonzales sa Bombo Radyo Koronadal.
Suno kay Gonzales, nagsaka na sa 18 ka mga estudyante kag 3 ka manunudlo ang ginbawian sang kabuhi sa wala kaluoy nga pagpangluthang sang suspek nga ginkilala kay Salvador Ramos.
Dugang pa sini, ang gobernador sang Texas nga si Governor Greg Abbott ang gilayon nagpahayag sang pagkundenar sa natabo kadungan sang pag-admiter nga napatay ang suspek matapos magbato sa mga otoridad.
Aminado si Gonzales nga madamo sang mga nalisuan sang insakto nga paminsaron sa Amerika rason nga nagakatabo ang “mass shooting”.
Magluwas sini, tuman ka hapos man nga magbakal sang armas ang mga Amerikano rason nga mabudlay nga matapna ang kasubong nga krimen.
