KORONADAL CITY- Tensyonado sa gihapon ang sitwasyon sa Las Vegas Nevada USA makaligad nga nagluntad nga mass shooting sa Mandalay Bay Casino sa nasambit nga estado.
Sa ekslusibo nga interbyu sang Bombo Radyo Koronadal kay Fervyl Cabudoy isa ka Registered Nurse nagatraho sa Summerline Medical Center sa Las Vegas nga taga Norala, South Cotabato nga papuli na suno pa sila sang iya nga mga kaupdanan gikan sa casino sang makabati sang asod-asod nga lupok sang armas luthang.
Nagdalagan ang mga ini sa kahadlok nga maigo sang bala.
Suno kay Cabudoy, nagluntad nga pagpangluthang sa ginpatigayon nga Las Vegas Strip nga may halos 5mil nga mga tawo nga nagtipon sa kasadyahan.
Makaligad ang asod-asod nga lupok, gilayon nga nagresponder ang Las Vegas police kun diin isa sa 2 ka mga suspek ang napatay.
Makaligad ang insidente, gilayon naman nga nag-abiso ang DFA officials sa mga pinoy nga magbakwit sa luwas nga lugar, apang wala pa naman sang nareport nga pilason ukon napatay nga pinoy sa insidente.
