Preparado na ang 30-anyos nga Pinoy world boxing champion nga si Melvin Jerusalem para sa nagahilapit sini nga sambuwa sa Mexicano nga kasumpong sa maabot nga adlaw sang Domingo nga hiwaton sa Mandaluyong City College Gym.
Para kay Jerusalem, katumanan sang iya handum nga makasaka ini sa ibabaw sang luna sa atubang sang mga Filipino.
Nahibaluan nga natalana depensahan sini ang iya nga titulo bilang kampeon sa World Boxing Council (WBC) minimumweight batuk sa Mexican mandatory challenger sini nga si Luis Angel Castillo.
Si Castillo ang may record nga 21 ka kadalag-an, wala pa sang kalutusan, isa ka draw, kag 13 ka knockouts. Samtang si Jerusalem naman ang may record nga 22 ka kadalag-an, tatlo ka kalutusan, kag wala pa sang draw.
Samtang kumpiyansa ini nga mapaslawan si Castillo sa handum nga agawon ang titulo sa iya sa nasambit nga dibisyon.
