KORONADAL CITY – Nagpadul-ong sa Bombo Radyo Koronadal ang iloy sang isa ka Pinay gna nagtratrabaho sa Riyadh, Saudi Arabia, nga biktima sang pgpanghadlok kag pang-abuso sang iya nga asawa nga Syrian National agud magpangayo sang bulig.
Sa ekslusibong interview sang Bombo Radyo Koronadal kay Ginang Gertrudes Porras, ina ni alyas Mary, 5 tuig nga nagtratraho ang biktima sa hospital kung sa diin nakilala sini ang Syrian National na si alyas Jerome.
Ginpahayag sini antes pa ang kasal, may ara na sang pang-abuso nga sekswal kag pisikal apang bangod sa manipulasyon kag pagpamahog, napilitan ini nga pakasalan ang suspek.
Sa ila nga pagurupdanay, padayon ang pang-abuso sang Syrian National kag sang nagdugay, ginakwaan na ini ang biktima sang mga malaswa nga laragway.
Ini man ang ginkumpurma sang iya nga utod nga si Bernabette Porras nga nakadawat man sang mga laragway sang iya nga utod.
Sa karon, nagpadul-ong ang iya nga pamilya kaupod ang Bombo Radyo Koronadal sa ahensya sang Overseas Workers Welfare Administration XII agud ma-aksyonan kag mabuligan ang nasambit nga Pinay.
