KORONADAL CITY– Ginpanginwala sang Commission on Human Rights (CHR) sa rehiyon 12 nga nagpasaka na sila sang pinakauna nga martial-law related case angot sa ginpahayag pag masaker sa 8 ka mga myembro sang T’boli Dulangan Manobo tribe sa Brgy. Ned Lake Sebu, South Cotabato.
Suno kay Joselito Pama sang CHR 12, wala pa sang may ginpaguwa nga resulta sang imbestigasyon ang CHR nga masaker kag martial law related case ang natabo sa kamatayon sang 8 ka myembro sang tribo sa engkwento sa tunga sang 33rd Infantry Battalion, 27th Infantry Battalion kag sang mga ginapahayag tribal militia sang NPA baliskad sa ginpaguwa sang iban nga media entity nga base suno pa ini sa pahayag ni CHR-12 Director Erlan Deluvio.
Suno sa CHR 12, ginatutukan nila sa subong ang kaso kag nagapadayon pa ang ila nga imbestigasyon sa natabo nga insidente kadungan sang mga panawagan nga ipaguwa nila ang kamatuoran sa natabo.
Kadungan sini, nagpanawagan man ang CHR nga likawan sang pila ka media entity ang pagpalapta sang sala nga kag pagdabok sa kaakig sang mga involvado sa insidente bangud isa ini ka sensitibo nga isyu.
