Opisyal nga ginsara ukon ginpadlock ang ginakabig nga pinakadako nga Philippine Offshore Gaming Operator (POGO) hub sa pungsod nga Island Cove sa Binakayan, Kawit Cavite kahapon, Disyembre 17.
Ginapangunahan ini nanday Interior Secretary Jonvic Remulla, Philippine National Police (PNP) Chief Gen. Rommel Marbil, Philippine Amusement and Gaming Corporation (PAGCOR) Chairman Alejandro Tengco, kag Presidential Anti-Organized Crime Commission (PAOCC) Director Gilbert Cruz ang pagpasara sa nasambit nga POGO hub.
Lakip man sa ila ang mga personnel halin sa Department of Justice (DOJ), Bureau of Immigration (BI) kag Cavite local government.
Ginhimo sang mga otoridad ang nasambit nga aksyon antes pa man ang deadline sa Disyembre 31 nga bug-os nga pagpasara sa tanan nga POGO sa pungsod suno sa direktiba ni Pangulong Ferdinand Marcos Jr.
Nauna na nga gin-pauntat sang Island Cove ang operasyon sini sang Nobiyembre 30.
Ang Island Cove may kabug-osan nga 57 ka mga establi kon sa diin 32 diri ang mga dormitoryo para sa ila mga trabahador.
Suno sa Island Cove general manager nga si Ron Lim, mga 12,000 ka mga Pilipino nga trabahador samtang kapin sa 4,000 ka mga foreign nationals ang mawad-an sang trabaho bangud sa pagsara sang POGO hub.
