-- ADVERTISEMENT --
Naaresto sang mga otoridad sa US ang isa sa mga lider sang pinakadako nga drug cartel sa kalibutan nga si Ismael “El Mayo” Zambada.
Nadakpan si Zambada sang mga US federal agent sa El Paso, Texas.
Ang 76-anyos nga si Zambada ang nagpatukod sang criminal organization kaupod si Joaquin “El Chapo” Guzman nga subong ara sa prisohan sa US.
Upod nga naaresto ni Zambada ang anak ni Guzman nga si Joaquin Guzman Lopez.
Sang Pebrero, kinasuhan si Zambada sang US prosecutors sang conspiracy to make and distribute fentanyl, ang droga nga mas malakas pa sa heroin nga nagadulot sang crisis sa opioid sa US.
