KORONADAL CITY- Napaslawan nga mapasa sa Sanggunian Panlalawigan sang South Cotabato ang pinakadako nga coal mining project sa probinsya nga pila ka tuig na nga ginadebatehan.
Nahibaluan nga ang dako nga coal mining project ang ginapanag-iyahan sang
Daguma Agro Mineral Incorporated (DAMI) nga igapatukod kun tani sa Brgy. Ned Lake Sebu South Cotabato.
Sa ginpatigayon nga botohan kahapon, nagpangibabaw ang NO kun sa diin 6 ka mga board members ang wala nagboto pabor samtang 4 naman ang nagpabor kag 2 naman ang absent.
MGA NAGBOTO PABOR (YES)
1. BOARD MEMBER LARRY DE PEDRO VI
2. BOARD MEMBER DARDANILO DAR
3. BOARD MEMBER GLY MARIANO-TRABADO
4. BOARD MEMBER SHEELAMAR BACLAAN
MGA NAGBOTO NGA INDI PABOR (NO)
5. BOARD MEMBER ROMULO SOLIVIO
6. BOARD MEMBER ESTER CATORCE
7. BOARD MEMBER CECILE DIEL
8. BOARD MEMBER ELLEN GRACE SUBERE-ALBIOS
9. BOARD MEMBER ROMEO TAMAYO
10. BOARD MEMBER VICENTE YUNGCO
ABSENT:
BOARD MEMBER EDGAR SAMBOG
BOARD MEMBER AGUSTIN “TENG” DEMAALA
PRESIDING OFFICER: BOARD MEMBER EAMON GABRIEL MATTI.
Nahibaluan nga ang nasambit nga coal mining project ang gin-ugatan man sang nagkalain-lain nga hublag protesta sang pila ka mga katutubo sa probinsya bangud nagapati ang mga ini nga isa ini ka dako nga pamahog sa kinaiyahan kag ilabi na sa kabuhi sang mga pumuluyo sa kabukiran.
Una naman nga nagpamalabag si anay DENR sec. Gina Lopez sa nasambit nga proyekto nga magatuga lamang suno pa sang dako nga kagub-anan sa natural nga manggad sang South Cotabato sa pihak sang panindugan man sang pila ka mga opisyal nga magadala ini sang kaayuhan ilabi na sa pagsanyog sang ekonomiya sang probinsya.
