KORONADAL CITY- Preparado na ang siyudad sang Koronadal sa pag host sang pinaka-una kag pinakadako nga pagtililipon sang mga arkitekto indi lamang halin sa nagkalain-lain nga lugar sa Pilipinas apang mangin man halin sa luwas sang pungsod.
Nahibaluan nga magasugod ini bwas nga adlaw tubtob sa Oktubre 19, 2019 nga pagahiwaton sa City Hall Ground kun sa diin pagapangunahan man sang United Architect of the Philippines Koronadal Chapter.
Sa interbyu sang Bombo Radyo Koronadal kay Koronadal City Architect Marvin Alegria nagalab-ot sa masobra 1,000 ka architects ang magapakigbahin sa nasambit nga convention nga may tinutuyo nga i-showcase ang mga pinakamaayo nga disenyo kag modelo sang moderno nga mga edifisyo kag imprastraktura nga tanda sang pagsanyog kag inobasyon sang tagsa ka lugar.
Nahibaluan nga talalupangdon man nga ginhiwat sa City Hall ground ang pagtililipon ilabi na ang City Hall sang Koronadal ang isa sa mga ginbansagan nga pinakamanami nga City Hall sa bug-os nga Pilipinas.
