KORONADAL CITY – Tuman nga ginkasubo sang Department of Health ang pagkapatay sang pila sa mga medical personnel sini sa pagtibusok sang eroplano sa Ninoy Aquino International Airport.
Sa interbyu sang Bombo Radyo Koronadal kay DOH-12 spokesperson kag health education and promotions officer Arjohn Gangoso, isa ka dako nga kawad-an ang pagkapatay ni Edmark Agravante Jael nga kalakip sa napatay sa nasambit nga trahediya.
Suno kay Gangoso, dako ang ila nabulig para sa pagdul-ong sang medikal nga serbisyo sa mga nagapanginahanglan.
Nahibaloan nga si Jael tumandok sang Barangay Dinganen sa banwa sang Buldon, Maguindanao kag nagserbe nga pilot trainee nga kalakip sa mga sakay sang medevac plane.
Tuman man ang pagpangasubo sang iya mga batchmates sa Notre Dame of Pigcawayan mangin ang local government unit sang Pigcawayan sa pagpamuno ni Jean Dino Roquero.
