Nadugangan pa ang mga gold medal nga nakuha sang Pilipinas sa 2025 Southeast Asian Games.
Nagdaog si Olympian gymnast Aleah Finnegan sang gintong medalya sa women’s vault finals.
Sa jiujitsu, nagdaog man si Kimberly Custodio batok sa iya kasumbong nga halin sa Thailand sa finals sang women’s 49kg ne-waza, samtang si Dean Roxas naman nagdugang sang gold medal sa men’s 85kg.
Nakuha man ni Olympic swimmer Kayla Sanchez ang duha ka silver medal sa women’s 50m backstroke kag 200m freestyle, kag ini nagadugang sa iya unga nga gold medal sa 4×100 meters freestyle relay.
Samtang si Haylee Garcia nakakuha sang silver sa women’s uneven bars.
Napaslawan naman si Clarence Sarza kay Patcharakan Poolkerd sang Thailand para makuha ang silver medal sa women’s 46kg.
Nag-silver man si Yman Xavier Baluyo sa jiujitsu men’s 69kg.
Nakakuha sang bronze medal si gymnast Justin Ace de Leon sa men’s rings kag floor exercise.
Damo man nga combat sports athletes ang nagdaog sang bronze, upod sila Marc Alexander Lim, Vito Luzuriaga, Felix Calipusan, Jeremy Nopre, Jordan Macalipay, Baby Jhen Buzon, Kurt Barbosa, Kaila Napolis, kag Leah Jhane kag Ma. Jeanalane Lopez sa lain-lain nga kategorya sang jiujitsu, karate, taekwondo, kag judo.
Naghatag man sang medalya ang demo sports kag martial arts, lakip ang gold medal ni Geli Bulaong sa modern 60kg, kag mga bronze ni Gina Araos, Jean Claude Saclag, Denzel John Alipio, kag Giezel Daya sa ila mga kategorya.
