KORONADAL CITY– Hugot nga monitoring sa karun ang ginapatigayon sang embahada sang Pilipinas sa Taiwan sa kahimtangan sang mga pinoy ilabi na sa Hualien City kun sa diin nag-igo ang magnitude 6.4 nga linog kagina sang kaagahon.
Sa ekslusibo nga interbyu sang Bombo Radyo Koronadal kay Lea Lazaga, 14 ka tuig nga caregiver sa Taiwan halin sa Brgy. New Lambunao Tantangan South Cotabato nga hugot nga pahanumduma sa mga OFWs nga likawan anay nga magwa sa mga puluy-an kag magpabilin nga alerto bangud asud-asod ang pagtay-og kun sa diin una na nga napagkit ang magnitude 5.6 nga linog sa nasambit nga lugar 2 ka adlaw na ang nakaligad.
Samtabg dugan pa ni Lea nga naglab-ot na sa 214 ang pilason sa nasambit nga linog kun sa diin ginakahadlukan nga madugangan pa ang 2 ka numero sang mga patay bangud sa subong 11 ka empleyado sang nagtiphag nga Marshal Hotel ang missing.
Kaangot sini, gin alerto man sang lokal nga gobyerno sang Taiwan ang mga pumuluyo sa lugar nga magpabilin nga alerto bangud ginasiling nga isa pa ka mabaskog nga linog ang maga igo sa magasunod nga adlaw.
Sa subong wala pa sang napagkit nga pinoy nga naulamid sa nasambit nga pagtay-og apang naputos sa gihapon sa kahadlok ang mga OFWs bangud nagdungan man sa linog ang tuman ka lamig nga temperature.
