Pila ka minahan sa banwa sang T’boli South Cotabato ipasara

KORONADAL CITY- Posible nga ipasara ang pila ka minahan sa Minahan ng Bayan sa banwa sang T’boli South Cotabato.

Sa interbyu sang Bombo Radyo Koronadal kay Provincial Environment and Management Office Chief Siegfred Flaviano, nagpatigayon sang assessment ang Mines and Geosciences Bureau (MGB) sa minahan ng bayan kun sa diin natukiban nga pila sa mga ini ang delikado bangud sa landslide bangud sa masami nga pagbubu sang ulan kag iban pa nga problema.

Dugang pa sini nga mapilitan ang Provincial Government nga ipasara ang pila sa mga minahan agud malikawan nga mabutang sa ital-ital ang kabuhi sang mga minero.

Nahibaluan nga yara sa 3,000 ang nagamina sa minahan ng bayan sa T’boli, South Cotabato.