KORONADAL CITY-Ginabulubanta nga mag dyutay na lamang ang mga tricycle drivers nga magapamasada sa syudad sang Koronadal sa tion nga mag abot pa sa P90-P100 ang balor sang kada litro sang gasolina.
Ini ang nangin pahayag ni Manong Jose, isa ka tricycle driver sa Koronadal sa interview sang Bombo Radyo Koronadal.
Suno sa iya sa tion nga mag-saka pa ang presyo sang gasolina kag indi na masarangan pa sang mga drivers ang ini nga mga balor, mangin kabangdanan ini sang pag-untat sang pila ka mga drivers nga naga biyahe sa Koronadal kag mahimo nga mangin apektado diri ang riding public ukon ang mga sumalakay.
Dugang pa sini, nangin mabug-at nga tulus-unon sa ila nga mga mga drivers ang mga naga saka nga presyo sang gatong sa diin halos ila nga boundary sa kada-adlaw nga tanan ang naga kadto na lamang sa gasolina. Nagapangabay man ini sa gobyerno nga buligan man sila ang mga apektado sang amu nga pagsaka sang presyo sang gatong.
