KORONADAL CITY-Aminado ang COMELEC-South Cotabato nga may mga naga palag na nga mga supporters na sang pila ka mga kandidato nga naga palag sa implementasyon sang Oplan-Baklas sa South Cotabato bangud sa legalidad sini.
Ini ang ginhatagan sang pagtamud ni Atty. Myla Luna, PES-South Cotabato sa interview sang Bombo Radyo Koronadal.
Suno sa iya, sa pila ka adlaw sang oplan baklas, may ara na sang mga naga pamalabag kag naga palag sa task force kag sa COMELEC sa diin naga pahayag pa sang ila nga katungod sa pag pahayag sang ila nga supportahan nga kandidato sa diin masami gina patapik sang mga ini sa ila nga mga propedad nga maathag nga sa guwa sang designated posting areas nga gintalana sang COMELEC sa South Cotabato.
Gindugang pa sini, ginahimo lamang sang ila nga talatapan ang mandato sini nga napagkit man sa Comelec Resulotion 10730 ukon Fair Election Act kag Omnibus Election code bangud kun indi ini nila buhaton kag e-implementar, mahimo nga sun-on man ini sang iban bangud wala man ginadakop kag wala gina tagaan sang penalidad.
Ginpahayag pa sini nga ini ang ila nga mandato kag dapat nga intindihon sang tanan bangud para man ini sa malimpyo kag maathag nga eleksyon.
