KORONADAL CITY- Nagpaabot sa subong sang reklamo sa bombo radyo ang pila ka mga motorista nga nagaagi sa kalabaon sang dalan sa little Baguio, Chua, Bagumbayan, Sultan Kudarat bangud sa delikado kag slide nga dalan kag tuman ka prone sa disgrasya.
Sa interview sang Bombo Radyo Koronadal kay Kagawad Normie Maglasang Zapanta sang Lake Sebu , South Cotabato, ginpahayag sini, nga tuman ka delikado ang nasambit nga bahin sang dalanon labi pa nga kurbada ini kag medyo madulom.
Dugang pa sini, halos 15 naman ka bilog ang napagkit nga nagkala disgrasya sa amu nga kurbadahon lakip na diri ang iya nga bana.
Sa tion suno pa sang tig-ululan mas naga dako pagid ang poriyento nga madisgrasya ang isa ka motorista.
Pahayag pa sini maka pangandam ang mga kabisado ang nasambit nga dalan , apang sa mga baguhan, daw indi gid ini rekomendado.
Nagpaabot naman ang panawagan ang amu nga opisyal sa talatapan sang Department of Public Works and Highway (DPWH) kag sa Lokal nga gobyerno para sa naga kaangay nga aksyon sa amu nga problema
