KORONADAL CITY- Naglab-ot sa 3 ka pamilya ang nagbakwit gikan sa Purok Upper Libertad, Barangay Topland Koronadal City kagab-i tuga sang pagkatiphag sang ila panimalay kadungan sang pag-ab-ab sang duta sa kilid sang sapa.
Nagluntad ini nga insidente bangud sa mabaskog nga tubig-baha nga dulot sang pila ka oras man nga buhos sang ulan.
Ini ang ginkumpirmar ni Barangay Kapitan Angelica Bermi sa interview sang Bombo Radyo.
Suno kay Kapitan Bermil, ginalakipan ini sang pamilya Salamanca kag Balogo nga nagaistar sa kilid lamang sang sapa.
Bagud man sa kabaskog sang tubig, naanod man ang isa ka baka.
Nagapasalamat na lamang ang mga pamilya nga apektado nga naluwas sila kag ang ila mga kabataan matapos matalupangdan ang pagkatiphag sang ila panimalay.
Dugang pa ni Kapitan Bermil, madugay na nga problema ang nasambit nga sapa rason nga ginaduso na ini nga ma-re-align halin pa sang nagligad nga tuig.
Sa karon,temporaryo nga nagatinir sa Barangay Gym ang apektado nga mga pamilya.
Nakabaton naman ang mga ini sang inisyal nga bulig nagikan sa City LGU.
