Wala nagapati ang isa ka estudyante sang Golden State College sa pahayag ni Robin Padilla nga “weak” ang kabataan sa subong nga henerasyon.
Sa interview sang Bombo Radyo Koronadal, ginpahayag sang estudyante nga may tagsa-tagsa nga kusog kag lain-lain nga perspektibo ang kabataan, kag indi dapat basta-basta nga ginakabig nga maluya ukon wala sang kapasidad.
Suno sa iya, may iban-iban nga pamaagi ang kada kabataan sa pag-atubang sang problema kag sa pagpangita sang ila coping mechanisms.
Ginpunto man niya nga ang kada indibidwal may kaugalingon nga estilo sa pag-atubang sang kabudlayan, kag ang importante amo ang pagpadayon kag indi dali-dali magpadaog sa mga challenges.
Sa katapusan, nagbilin siya sang mensahe sa kasubong niya nga kabataan nga magpabilin nga mabaskog, padayon sa pagtinguha sa kabuhi, kag pilion gihapon ang pag-uswag bisan pa sa mga pagtilaw kag kalisod nga nagaabot sa kabuhi.
