Pila ka mataas nga opisyal sang Amerika magapatunga sa kinagamo sang Hamas kag Israel

Magapadulong sa Middle East ang pila ka mga high-level nga opisyal sang Amerika lakip na si Central Intelligence Agency (CIA) chief William Burns agud magpatunga sa giyera sang Israel kag Hamas.

Si Burns ang magapadulong sa Qatar samtang ang Middle East adviser nga si Brett McGurk magapadulong naman Egypt.

Ginapaabot nga ang mga ground operations sa Rafah ang pagaistoryahan ni McGurk upod ang pila ka mga lokal nga mga lider.

Nagahilisugot ang Qatar, US, kag Egypt sa pagduso sang peace deal agud matapos na ang giyera sa Gaza.