KORONADAL CITY- Ginakabalak-an nga indi makuha sang pila ka Martial Law victims sa rehiyon 12 ang ila kompensasyon bangud sa kawad-an sang nagakaigo nga mga dokumento kag nabudlayan ang Commission on Human Rights nga matumod ang mga ini.
Sa ekslusibo nga interbyu sang Bombo Radyo Koronadal kay CHR 12 regional Director Erlan Deluvio humalin Hulyo 25 tubtob tubtob Hulyo 26, 2018 subong nga adlaw lamangg yara sa talatapan sang CHR 12 ang Human Rights Victim’s Claims Board agud maghatag sang tseke sang mga Martial Law Victims sang Marcos regime.
Sa rehiyon 12, may yara sang 21 claimants apang 17 pa lang ang nagconfirm nga magakuha sang ila compensation samtang ang iban naman wala nagapakig-angot sa CHR.
Sa tion nga mapaslawan nga makapadulong kag makapresentar sang ebidensya ukon dokumento ang mga ini, mabudlayan na sila nga magproseso sang ila claims ilabi pa nga nag expire na man ang termino sang mga commissioners.
Nahibaluan nga ang kwarta nga igahatag sa mga Martial Law victims ang naghalin sa Marcos’ secret Swiss bank deposits.
