-- ADVERTISEMENT --
Nagapadayon subong ang monitoring sang mga otoridad sa Brgy. Kalandagan, Tacurong City matapos makaeksperiensiya sang baha tuga sang pagbunok sang mabaskog nga ulan.
Suno sa mga residente, nagresulta ini sa pagtaas sang tubig sa pila ka lugar, dalanon kag kabalaka nga magdulot sang pagbaha sa mga kabalayan sa tion nga indi pa mag-untat ang ulan.
Sa karon, ginapahalong kag ginapaalerto sang mga barangay officials ang mga residente sa posible nga evacuation sa tion nga maglala ang sitwasyon.
Samtang, padayon nga ginabantayan sang City Disaster Risk Reduction and Management Council ang lugar kag ginahingyo ang publiko nga mag-report dayon kon may maobserbaran nga pagsaka pa sang tubig baha ilabi na sa ila mga panimalay.
