Naglab ot sa Php 2 M nga Balor sang shabu ang nakumpiskar sang Banga PNP sa Brgy. San Vicente samtang arestado man ang 3 ka peddlers sini.
Ini ang ginkumpirma ni Police Lt. Adelyn Lazaga, ang spokesperson sang Banga PNP sa exclusive interview ng Bombo Radyo Koronadal.
Suno kay Lazga, sa ginpatigayon nila nga Drug Buy Bust operation sa nasambit nga lugar, arestado sina alyas Denver kag Kate, parehong 25 anyos, kag mga residente sang Koronadal City kag isa ka alyas Vince, 30 anyos, nga residente naman Banga, South Cotabato. Nakuha sa mga ini ang duha ka large sachets kag 35 nga medium sachets sang shabu na may kabug aton nga 280 gramo kag mga boodle money.
Sa dugang, madugay na nga gina-monitor ang mga suspek.
Nagpatigayon man sang special operation ang Banga PNP agud mdakpan ang mga upod sa mga nasambit nga suspek.
Sa kasamtangan, yara na Ang tatlo sa disposition sang Banga PNP kag padayon nga gina-imbistigaran.
Nanawagan naman si Police Lt. Lazaga sa tanan nga likawan kag hindi mag-usar sang ilegal nga droga bangud makaguba ini sang kinabuhi.
