Naitala sang Philippine Institute of Volcanology and Seismology (PHIVOLCS) ang bag-o nga datos nga 23 ka pagyanig kag 11 ka volcanic tremors nga nagadugay sang halos 4 tubtob 74 ka minuto sa Bulkang Kanlaon subong nga adlaw.
Ang mga ash emissions naman sini kag nagdugay halin sa 12 tubtob 84 ka minuto samtang nagbuga ini sang 6559 ka tonelada sang sulfur dioxide flux.
Ang mga pagsingaw naman sang Kanlaon nag-abot sang 200 ka metro ang kataason kag makita man nga may abo.
Samtang, nagpabilin naman sa Alert level 3 ang Kanlaon bangud sa padayon nga aktibidad sini.
Ginapangitaan naman ang mga residente sa palibot sini nga indi anay pagtugtan nga magsulod sa anom tubtob pito ka kilometro nga radius halin sa bulkan bangud sa padayon nga pag-alburoto sini.
Sa idalom naman sang alert level 3, posible nga mag-abot ang hinali nga pagsigabong sang bulkan, pagbuga sini sang lava, pag-ulan nga may upod nga abo, rockfall kag pag-awas sang lahar.
Padayon naman nga gina-monitor sang PHIVOLCS ang bulkan para sa mga posible pa nga aktibidad sini.
