KORONADAL CITY- Gin-awhag subong sang Phivolcs ang publiko nga maghugpong sa ipatigayon nga Nationwide Simultaneous EarthQuake Drill subong nga adlaw Nobyembre 14, ala 9:00 sa aga.
Sa esklusibo nga interbyu sang Bombo Radyo Koronadal kay Phivols Director Renato Solidum, pagahiwaton suno pa ang 4th Quarter NSED sa Calapan City, Mindoro bilang ceremonial venue kun sa diin pangapangunahan ini sang National Disaster Risk Reduction and Management Council (NDRRMC), Department of Education (DepEd), Office of Civil Defense (OCD) kag Phivolcs.
Suno kay Solidum, pagasekyaron sa nasambit nga earthquake drill ang Rapid Damage Assessment and Needs Analysis (RDANA), Incident Command System (ICS), Search Rescue and Retrieval (SRR), Emergency Medical Response, Emergency Communications kag Management of the Dead and Missing.
Importante ang pagpatigayon sang dululungan nga EarthQuake Drill agud nga mahibaluan ang preparasyon sang kada institusyon kag sang publiko bago kag matapos ang linog.
Pagasekyaron man suno pa diri ang mga dapat himuon kag mangin man ang scenario kun may matabo nga linog kasubong sang Intersity 7 nga pagtay-og.
Kaangot sini, gilauman nga nilibo ang magatambong sa nasambit nga aktibidad.
Nahibaluan nga pila sa mga napatay sa serye sang lindol sa Mindanao ang mga nagpanic kag wala nagsunod sa Duck-cover and hold.
