Philippine men’s national football team nagahingyo liwat sang suporta sa ila hampang batok sa Thailand

Nagapangayo ang Philippine Men’s National Football Team ang suporta sang mga Pilipino sa isa pa nga hampang batok sa Thailand.

Suno kay Coach Albert Capellas sang Pilipinas, isa ka lang ini nga duwa kag importante nga maliwat ang kadalag-an sa home court sang Thailand nga matabo naman subong nga gab-i.

Ginpasalig niya nga himuon nila ang tanan nga ila mahimo agud magdaog.

Wala man nila ginabalibarannga underdog sila bangud sa homecourt sang Thailand War Elephants ang ila masunod nga hampang.

Madumduman nga sang Biyernes Disyembre 27, ang Men’s football team nakahimo sang makasaysayan nga kadalag-an nga 2-1 batok sa Thailand, nga amo ini ang una nga beses nga ila napildi ang koponan sa sulod sang 52 ka tuig.