Ginpangabay sang Philippine Embassy sa Lebanon ang mga Pinoy nga magbiya sa amo nga pungsod samtang bukas pa ang airport sa tunga sang tensyon nga nagaluntad.
Sa ginpagwa nga evacuation notice, nagpangabay ang embahada nga iprayoridad sang mga Pinoy ang ila nga safety kag magbiya sa Lebanon sa madali nga panahon.
Nasaad sa statement, nga kon indi makahalin sa poungsod, ginapangabay ang mga Pinoy nga mag evacuate sa mas safe nga lugar sa gwa sang Beirut, South Lebanon kag Bekaa Valley.
Bukas ang embahada sa mga Pinoy nga luyag mag avail sang repatriation.
Sa tinalikdan nga semana, nagsaka ang tensyon sa tunga sang Lebanon-based Hezbollah kag Israel.
Una nga nagpatigayon ang Iranian-backed Hezbollah group sang drone attacks tinalikdan nga bulan sa Goln Heights nga gina okupar sang Israel nga nag resulta sa kamatayon sang 12 ka mga tawo.
