Nagpaathag ang Public Relations Officer sang Philhealth Region XII angut sa pag balik sang 60 billion pesos nga kwarta sa ahensya sang Philhealth.
Sa exclusibo nga interview sang bombo radyo koronadal kay Hannah Naanep, Public Relations Officer III, Philhealth Region XII. Ginpahayag sini, nga isa ka maayo ini balita nga ipalab-ot sang mga benepisaryo sang Philhealth nga ibalik sang gobyerno ang 60 billion pesos sa ahensya sang philhealth.
Dugang pa kay Hannah, gina sigurado nila nga ang 60 billion nga kwarta nga mabalik sa ahensya mahimo nga mapa enhance pa ang mga health services agud maka benipisyo pa gid ang mga ang mga benepisaryo. Gindugang pa ni Hannah, gusto suno pa sang National government ini nga paagi bangud para mapasangkad pa ang mga serbisyo medical ilabi na subong nga madamo ang may mga sakit pareho sang mga gina dyalisis, cancer kag iban pa.
Ginpasigurado naman ni Hannah, nga sa talatapan sang Philhealth Region XII ila gina sigurado nga magapadayon ang ila mga programa paagi sa pag enhance sang mga services agud magin malipayon ang mga benepisaryo sang philhealth.
