KORONADAL CITY – Liwat na nga mapuslan sang mga myembro sang Philhealth ang ila nga mga benepisyo ilabi sa 2 ka dalagkuan nga ospital sa South Cotabato.
Ini makaligad nga ginbawi sang Philhealth ang withdrawal sa accreditation sa Allah Valley Medical Specialists Center Incorporated ukon AVMSCI kag Dr.Arturo P. Pinggoy Medical Center ukon DAPPMC sa Koronadal City.
Suno sa pamunuan sang Allah Valley, pamutuod lang nga ginatan-aw man sini ang ikaayo sang ila nga mga myembro ilabi na ang mga dialysis patients.
Samtang, nagpasalamat man ang Dr Arturo Pingoy sa pagsalig nga liwat nga ginhatag sang ahensya agud nga makahatag sang serbisyo sa mga pumuluyo ilabi na ang mga ginadialysis nga mga pasyente.
Madumduman nga bangud suno pa sa gina-alegar nga fraudulent activities, ginkakas sang Philhealth ang accreditation sa mga nasambit nga ospital sang nakaligad nga bulan.
Una naman nga ginpahold in abeyance sang Philhealth ang suspension sang accreditation nga ila ginpahamtang sa General Santos City Doctors Hospital Incorporated.
