-- ADVERTISEMENT --
Nagnubo sa bag-o nga all-time low ang Philippine peso batok sa US dollar sang Miyerkules, tungod sang mas nubo nga target sa infrastructure spending sang gobyerno.
Nagtakop ang piso sa ₱59.44 sa tagsa ka 1 dolyar, nga naghinay sang 9.9 sentimo halin sa ₱59.341 sang Martes. Nasubrahan sini ang daan nga record low nga ₱59.355 nga narecord sang Enero 7.
Ang paghinay sang piso suno sa isa ka economist amo ang resulta sang pagnubo sang infrastructure spending target sang gobyerno sa 4.3% sang gross domestic product (GDP) halin sa una nga 5.1%.
