KORONADAL CITY– Ginpaathag sang isa ka private lawyer sa Bombo Radyo Koronadal ang bag-o nga tikang sang Kabus Padatoon Community Ministry International Inc. nga pagpalapit sa Supreme Court agud baliskadon ang kamanduan sang SEC angot sa pagpasarado sang operasyon sang KAPA.
Sa interbyu sang Bombo Radyo Koronadal kay Atty. Francis Carlos, ang Petition for Writ of Certiorari nga ginsang-at sang KAPA sa Supreme Court ang nagakahulugan lamang nga ginapareview sini ang desisyon nga pagpauntat kag pagpasirado sa KAPA.
Dugang pa sini nga indi man ini garantiya nga mabalik gilayon ang operasyon sang KAPA nga baliskad sa mga ginapalapta suno pa nga impormasyon nga maka operate na sila sa Hulyo 1, 2019.
aga agi suno pa ini sa hearing kag kinahanglan man suno pa nga makapagwa sang mga mabakod nga ebidensiya ang KAPA agud masuportaran ang akusasyon sini batuk sa mga respondents nga sanday Pres. Rodrigo Duterte, SEC chair Emilio Aquino PNP Chief Gen. Oscar Albayalde, National Bureau of Investigation (NBI) Director Dante Gierra, Criminal Investigation and Detection Group (CIDG), pahayagang Sunstar Cebu, online News Site nga Rappler kag CEO sini nga si Maria Ressa.
Nahibaluan nga kalakip sa apela sang KAPA amo ang pagpangayo sang damyos nga P3B kag ang pagpaidalom sa impeachment proceedings kay Pangulong Duterte.
