KORONADAL CITY – May persons of interest na ang mga kapulisan sa banwa sang Banga, South Cot. sa pagpangluthang-patay sa isa ka security guard sa bahin sang Purok Paghidaet, Barangay Malaya, Banga, South Cotabato.
Ini ang nangin pahayag ni PLt.Col John Rick Medel ,hepe sang Banga PNP sa interview sang Bombo Radyo Koronadal.
Ginkilala ni Medel ang biktima nga si Leonard Fuentes, 31 anyos, single kag isa ka guwardiya sang Barkley Banana Plantation.
Ginpahayag sang hepe nga nakaangkon sang mga igo halin sa wala pa mahibaluan nga armasluthang ang biktima kabangdanan sang iya nga kamatayon.
Suno pa sa mga taga-barangay, may ara sang mga nakita nga bote sang makahulubog nga ilimnon kag isa ka magazine sang armasluthang sa crime scene.
Magluwas pa diri, nadula man ang issued firearm ni Fuentes.
Kasamtangan naman nga nagapanguha pa sang mabaskog nga ebidensiya ang mga otoridad para sa pagdakop sa may kahimuan sa krimen.
