KORONADAL CITY – Personal grudge ang ginanataw nga motibo sa pagluthang-patay sa isa ka persona sa bahin sang Brgy. road, Prk 7, Brgy Cr. Rubber, Tupi, South Cotabato.
Ini ang ginkumpirmar sa Bombo Radyo Koronadal ni PSMgt. Reah Luz Gatinao, Information Officer sang Tupi MPS.
Ginkilala ang biktima kay Kabagel Kaharudin Panayaman, 39 years old may asawa kag residente sang Purok Manticayan, Tamnag, Lutayan, Sultan Kudarat.
Suno kay Gatinao, ginasubay sang biktima ang dalan sa amo nga lugar sang hinali na lamang nga may isa ka unit nga Honda XRM, nga nagaduag sang itom nga wala sang plate number ang hinali na lamang nga ginluthang ang biktima sang makapila ka bes sa iya nga ulo rason naman sang iya hinali nga kamatayon.
Gilayon naman nga nagpalagyo ang mga suspek sa wala nahibaluan nga direksyon.
Nakuha sa crime scene ang duha ka fired cartridge sang kalibre 45, isa ka unit sang cal. 45, spring field, model 191911-A1.
Sa karon, padayon nga ginakilala ang identity sang suspect nga nagluthang-patay sa biktima.
