-- ADVERTISEMENT --
KORONADAL CITY- Natumod na sang kapulisan ang masobra sa duha ka mga persons of interest sa pagpangbomba sa Dimaporo Gymnasium sa Mindanao State University (MSU) sa Marawi City —ginklamar sang Islamic State.
Suno kay Bangsamoro Police Regional Office chief Police Brigadier General Allan Nobleza, may yara na sila sang persons of interest kag ginapunto sini nga isa ka local terrorist.
Wala naman naghatag pa sang dugang nga detalye si Nobleza, apang padayon sa gihapon ang ila ginahiwat nga imbestigasyon.
Matandaan nagluntad ang pagsigabong takna las-7:30 sang aga kagapon nga adlaw sang Domingo, samtang ginahiwat ang misa sa gym nga gintambongan sang mga estudyante ka manunudlo – kun sa diin apat ang patay kag 45 ang napilasan.
