KORONADAL CITY – Naga kaangay nga mag tsekyar sang request sang permit to conduct campaign sorties ang mga kandidato sa tagsa tagsa ka mga regional campaign committee sang Comelec.
Ini ang nangin pahayag ni Atty. Mayla Luna, PES-South Cotabato sa interview sang Bombo Radyo Koronadal kadungan man sang pormal na nga pag umpisa sang 90 days nga campaign period sang national candidates kahapon nga adlaw.
Suno sa opisyal, para sa mga national candidates nga mangampanya , naga kaangay nga mag kuha sang request para sa kampanya kag i-pa-approve sa regional campaign committee kun sa diin iga-delegate ang monitoring kag reporting sa local campaign committee.
Dugang pa sini, gin deputize na man mga barangay tanod kag barangay healthcare workers para nga mag monitor sang pagpatigayon sang campaign kag maga pasa sang ebalwasyon sang natabo nga kampanya para masiguro kun natuman ba ang mga guidelines nga gintalana sa pagpangampanya.
