Nagahinay na ang panglaslas sang Super Typhoon Pepito pagkatapos nga mag-landfall sa banwa sang Panganiban sa probinsya sang Catanduanes sang Sabado sang gab-i kag nag-abot sa baybayon sang probinsya sang Camarines Norte sang alas otso sang aga kahapon.
Suno kay Ariel Nepomuceno, administrador sang Office of Civil Defense, nagpahayag nga maskin pa nga ang rehiyon sang Bicol ang sentro sang mga bagyo sa nagligad nga mga semana, wala ini sang dako nga epekto sang pag laslas kay Pepito, ilabi na ang mga probinsya sang Camarines Norte, Camarines Sur kag Albay.
Suno naman sa datos sang National Disaster Risk Reduction and Management Council (NDRRMC), duha ka tawo ang ginreport nga pilason kag kapin sa 852,000 ka mga indibidwal sa bug-os nga pungsod ang naapektuhan sang Super Typhoon Pepito (internasyonal nga ngalan: Man-yi).
Apang, wala na maeksperyensyahan ang pagululan nagpaandam gihapon ang mga otoridad sa mga katawhan sa dako nga epekto sang bagyo kag magin mahalong gihapon.
