KORONADAL CITY-Sa pihak sang pahayag ni Presidente Rodrigo Duterte sa iya nga State of the Nation Address (SONA) kahapon nga indi na sini istoryahon ang rebelde nga grupo, nagalaum sa gihapon si Deputy Speaker for Mindanao kag South Cotabato 2nd District Representatiave Ferdinand Hernandez nga mag abot ang adlaw nga madayon sa gihapon ang storyahanay sang duha ka bahin.
Sa interbyu sang Bombo Radyo kay Atty. Hernandez ginpahayag sini nga indi man mabasol ang Presidente kun ngaa nahambal sini nga indi na istoryahon ang grupo bangud sa wala tuo nga pagpang atake sang New Peoples Army sa mga Government Troops.
Nagapati si Hernandez nga frustrated lamang ang Presidente bangud sa pihak sang nagapadayon nga negosasyon kag natalana na kuntani nga storyahanay sang duha apang nagpatigayon sa gihapon sang opensiba ang rebeldeng grupo.
Sa pihak nga bahin, ginkalipay naman sang opisyal ang nangin SONA ni Duterte ilabi na bangud ginpahayag sini ang mga ginalauman sini nga problema sa Marawi, mining industry, war aginst drugs kag iban pa.
