KORONADAL CITY- Naga-initay sa subong ang opisyal sang Philippine Drug Enforcement Agency 12 kag ang lokal nga opisyal sa banwa sang Sto. Niño South Cotabato angot sa war on drugs nga ginapatuman sa idalom sang Duterte administration.
Nahibaluan nga nag-ugat ini makaligad gindeklarar nga drug cleared ni Brgy. Ambalgan Sto. Niño South Cotabato kapitan Taba Ambalgan ang ila barangay nga una isa sa mga ginmensyunar ni Pres. Rodrigo Duterte nga nagadata ang baligya-anay sang iligal nga droga.
Suno kay PDEA 12 Director Gil Cesario Castro, papano mapamatud-an nga seryoso sa kampanya sa iligal nga droga kun mismo ang opisyal sa nasambit nga barangay ang indi sarang limpyuhan angugsaran sini nga nagapakita lang nga indi pa kumbinsido ang PDEA 12 sa sinseridad ni kapitan Ambalgan sa pagtapna sang iligal nga droga.
Samtang kaangot sini ginhangkat naman ni kapitan Ambalgan ang PDEA 12 Director nga magpatigayon sang operasyon batuk sa iligal nga droga agud maghibal-anay.
Kun madumduman sini nga nakaligad nga bulan, gintawag ni PDEA 12 Director Castro si kapitan Ambalgan nga incompetent kag nakapatong sa iligal na droga butang nga ginkontra sang nasambit nga barangay kapitan.
