-- ADVERTISEMENT --

Nakatala sang panibag-o nga pagbalabag ang Philippine Coast Guard (PCG) sa mga personnel sang China Coast Guard (CCG) nga magabulig lang kuntani sa isa ka Pilipino fishing vessel samtang yara sa West Philippine Sea.

Una nadawat sang PCG ang isa ka distress call halin sa Pinoy fishing vessel, 70 nautical miles sa Silanguin Island, Zambales.

Isa sa mga mangingisda sa nasambit nga bangka ang namatay samtang yara sa tunga sang dagat.

Suno kay PCG spokesperson for the West Philippine Sea (WPS) Commodore Jay Tarriela, magsagawa kuntani sang retrieval operation ang BRP Cabra apang gin pilit sila nga pauntaton sang barko sang China Coast Guard (CCG) nga CCG-3304.

Sang nagdugay, ginpalusot ang mga ini apang gin sundan sa giyapon ang BRP Cabra sang China Coast Guard.

Narekober man sa karon ang lawas sang pinoy nga napatay pabalik sa Subic, Zambales sang BRP Cabra.

Sa pila ka oras nga naghalin ang BRP Cabra sa posisyon sini, ginbuslan man ini sang BRP Teresa Magbanua nga nagbantay sa kadagatan, ka-atubang ang madagko nga barko sang China