Pormal na nga ginpirmahan ni President Ferdinand “Bongbong” Marcos Jr. ang House Bill No. 4122 nga magahatag otoridad sa gobyerno agud magpatong sang 12% value-added tax (VAT) sa digital services nga ginahatag sang foreign companies.
Nagakahulugan ini nga patungan na sang buwis ang mga digital services kaangay sang ginahimo sa traditional business pareho sang restaurants, retail stores kag iban pa nga kaangay nga negosyo.
Sakop sang VAT on digital services ang Netflix, Google , lakip na ang market place.
Suno kay Marcos, paagi diri ginalauman nga makakuha ang gobyerno sang revenue nga magalab-ot sa P7.25 billion sa 2025, P21.37 billion sa 2026, P22. 81 billion sa 2027 kag P24.42 billion sa 2028 samtang P26.27 billion naman sa 2029.
Lakip man diri ang iban nga mga serbisyo kaangay sang mga online search engine, online marketplaces, cloud services, online media and advertising, online platform kag digital goods
Katuyuan sang bag-o nga layi nga mapabaskog ang otoridad sang Bureau of Internal Revenue sa pagkolekta sang VAT sa digital services ukon mga transaksyon sa e-commerce ilabi na sa mga dumuluong nga kumpanya nga wala nakabase sa pungsod apang nagahatag sang serbisyo sa mga Pilipino nga konsumidor.
