Wala nagakabalaka si President Ferdinand Marcos Jr., sa ginpatigayon nga pagtipon sang mga miyembro sang Iglesia ni Cristo sa EDSA// halin kahapon tubtob subong nga adlaw, Hulyo 1, 2026.
Suno kay Palace Press Officer kag Communications Undersecretary Claire Castro, nakatutok ang presidente sa pagpatuman sang layi kag indi ini dapat maimpluwensyahan sang interes sang sin-o man nga indibidwal ukon grupo.
Natingala man suno sa iya ang presidente kon ngaa nagresulta sa malapnagon nga pagtililipon ang gin-anunsyo sang Office of the Ombudsman nga magpasaka sang plunder case batok kay Sen. Rodante Marcoleta sa Sandiganbayan.
Sa bahin naman nga nagkulang ang intelligence agencies matapos ginkakibot sang mga otoridad ang pagtililipon sa kaagahon, ginsiling ni Castro nga indi sia ang husto nga tawo para magsabat diri bangud indi rebelde ukon terorista ang mga nagtipon kundi mga pribadong indibidwal.
