Ginpaathag ni Presidente Ferdinand Marcos Jr. ang iya pagtamyaw kay Chinese President Xi Jinping sa APEC Economic Leaders’ Meeting sa Gyeongju sang Nobyembre 1, 2025.
Suno sa Presidente, ang nasambit nga pagpangamusta isa ka simple nga paghulag sang “kinaandan nga pagrespeto” sa kapareho nga pinuno sang estado.Natabo ang malip-ot nga interaksyon sa seremonya sang pagbalhin sang APEC chairmanship halin sa South Korea padulong sa China, nga amo ang mangin host sang APEC Summit sa 2026.
Dugang pa kay Marcos, ginpalapitan niya si Xi agud tamyawon ini sa nagahilapit nga pagpamuno sang China sa APEC, sa pihak sang hugot nga seguridad sang lider. Gindugang pa niya, ang pagpangamusta kabahin sang diplomatiko nga kinabatasan kag indi dapat hatagan kahulugan bilang pormal nga pag-istoryahanay ukon pagbag-o sa posisyon sang Pilipinas.
Ini nga interaksyon natabo sa tunga sang padayon nga tensyon sa tunga sang Pilipinas kag China may kaangtanan sa isyu sa West Philippine Sea.
