Nakiupod si Pangulong Ferdinand R. Marcos Jr. sa selebrasyon sang Semana Santa, kag nag-awhag sa mga Pilipino nga pamalandungan ang pasyon, kamatayon, kag pagkabanhaw ni Kristo.
Ginapakigbato sang Pangulo ang mga debotong Katoliko sang pagpakabakod sa tunga sang mga pagsulay sa kabuhi, kag nagapahanumdom sa publiko nga ang kasakit mahimo maghulma sa ila agud mangin mas mahangpanon kag mas mahinatagon nga mga indibidwal.
Naga-awhag man si Pangulong Marcos sa mga Pilipino nga mangita sang bag-o nga kusog sa tunga sang pamilya kag mga palangga sa kabuhi, kag magapadayon nga mangin masinadyahon sa pagserbisyo sa mga mas nagakinahanglan.
Ginatamyaw man sang Pangulo ang tanan nga Katolikong Filipino sang isa ka makahuluganon kag mabinungahong Semana Santa.
Subong nga adlaw, ginasaulog ang Palm Sunday ukon Linggo sang Palaspas, nga nagapakita sang pagsugod sang Semana Santa.
Ang Palm Sunday isa ka adlaw nga nagapahanumdom sang pagsulod ni Jesucristo sa Jerusalem samtang nakasakay sa isa ka asno, kag ginsugata siya sang mga tawo nga may ginkawayan nga mga sanga sang palma — simbolo sang kadalag-an kag kalinong.
Para sa madamo, ang Linggo sang Palaspas indi lang isa ka liturhikal nga selebrasyon kundi isa man ka buhi nga pagsinalu-salo sang pagtuo, kultura, kag panimalay.
