PBBM, nakapili na sang bag-o nga hepe sang PNP – DILG

Ginkumpirma ni DILG Secretary Jonvic Remulla nga may napili na si Presidente Bongbong Marcos sang bag-o nga Chief sang PNP nga magabulos kay PGen. Rommel Marbil nga matapos na ang termino sa Hunyo 7.

Sunod kay Remulla, indi na kinahanglan sang rekomendasyon kay may desisyon na ang Presidente kon sin-o ang masunod nga lider.

Apang wala pa niya ginbuyagayg ang ngalan sang napili kag ginpangabay niya nga ang Presidente na lang mag-anunsyo sini.

Mas nami suno pa kun ang masunod nga hepe may malawig nga termino, limpyo nga record, kag eksperyensado sa pagpangdala sang organisasyon kag operasyon.

Si Marbil magatapos sang iya termino sa Hunyo 7, kag may pila na ka mga opisyal nga ginakonsidera nga posible magbulos sa iya.