Magatambong subong nga adlaw si Pangulong Ferdinand Marcos Jr. kag Executive Secretary Lucas Bersamin, kun sa diin magakomparar sila sang ila mga dapat pagaisturyahan.
Ini ang ginpahayag ni Presidential Communications Secretary Cesar Chavez.
Suno kay Chavez, pagahisgutan ni PBBM kag ES Bersamin ang agenda para sa una nga full cabinet meeting sa tuig 2025.
Wala ginpahayag ni Sec. Chavez kun san-o ang nasambit nga cabinet meeting kag ano ang mga isyu nga pagatukibon.
Subong nga adlaw, yara lang sa sulod sang Palasyo sang Malacañang si Pangulong Marcos.
Sa pihak sang iya pagtambong upod kay ES Bersamin, may yara man siya sang mga private meetings.
Wala pa gihapon nagpagwa sang iskedyul ang palasyo angut sa mga aktibidad ni Pangulong Marcos para buwas kag sa masunod nga mga adlaw.
Samtang, ginpanawagan ni Pangulong Ferdinand Marcos ang mga Pilipino nga mangin mapamalandong kag mangin may positibo nga panan-awan sa pag-uswag subong nga 2025, nga magabalanse sa realidad sang nagligad kag subong nga panahon.
Ginpasalig man sang Pangulo nga mangin produktibo ang subong nga tuig, labi na kay madamo sang mga programa kag proyekto ang naka-lineup nga magahatag benepisyo sa katawhan.
