Nagmando na si Pangulong Ferdinand R. Marcos Jr. nga magtukod sang “tent city” sa Bogo City bilang temporaryo nga puluy-an sang mga residente nga nawad-an sang balay bangud sang mabaskug nga linog nga may magnitud nga 6.9 sang Setyembre 30.
Sa iya pagbisita sa Bogo City agud personal nga paga istoryahan ang mga relief efforts, ginpahayag sang Pangulo ang iya kabalaka sa sa kaguba sang mga establisemento, nga nangin kabangdanan nga nahadlok ang mga tawo nga magpauli sa ila tagsa ka panimalay kag bisan pa sa mga evacuation centers.
Suno sa Pangulo, ginadali nila ini agud may masilungan ang aton mga pumoluyo nga nawad-an sang puluy-an.
Ginpahayag man sang Pangulo nga magabaton sila sang bulig halin sa Philippine Red Cross para sa pagbutang sang ila medical field tents, nga una na gin-gamit bilang isolation wards sang panahon sang COVID-19 pandemic.
Siguraduhon man nga may sapat nga suplay sang pagkaon, tubig, kag kuryente (pinaagi sa generator kon kinahanglan), kag tagaan sang gobyerno ang tanan nga kinahanglanon sang mga tawo.
