Ginpirmahan ni Presidente Ferdinand R. Marcos Jr. ang Executive Order 110, nga nagadeklara sang state of national emergency para proteheran ang suplay sang enerhiya sang Pilipinas sa tunga sang krisis sa Middle East.
Tinutuyo sini amo ang pag-estabilisar sang fuel supply kag malikawan ang epekto sa ekonomiya.
Gina-kreer sang EO ang UPLIFT (Unified Package for Livelihoods, Industry, Food, and Transport) nga ginapangunahan sang Presidente, nga magabantay sa distribusyon sang gatong, pagkaon, bulong, kag iban pa nga importante nga serbisyo kag produkto.
Samtang, ginsugtan man sang DOE ang fuel optimization, energy conservation, pagpromote sang renewable energy kag electric vehicles, kag pagpatuman sang awareness campaigns sa energy efficiency.
Ginpasugtan man sang EO ang koordinasyon sang mga ahensya, LGUs, pribado nga sektor, kag civil society agud malikawan ang hoarding, profiteering, kag manipulasyon sang suplay.
Madunduman nga halin ang pondo sa existing nga budget sang mga ahensya kag iban pa nga ma-identify nga sources.
Ang deklarasyon may basehan sa RA 7638 kag konstitusyonal nga gahum sang Presidente para sa madali nga aksyon sa suplay sang enerhiya.
