Ginmandu ni Pangulong Ferdinand “Bongbong” Marcos kay Special Assistant to the President Secretary Antonio Lagdameo Jr. kag kay Social Welfare and Development Secretary Rex Gatchalian subong man sa iban pa nga opisyal sang gobierno ang paghatag sang bulig sa mga naapektuhan sang baha sa Mindanao.
Suno kay Gatchalian, gilayon sila nga naghatag sang ayuda nga nagabalor sang P5,000 kada isa para sa 76 ka pamilya nga nagub-an snag balay sa Bangsamoro Autonomous Region In Muslim Mindanao (BARMM) tungod sa Southwest monsoon.
Nagalab-ot sa kabug-usan nga P2.86 milyon ang ayuda nga ginhatag sang mga ini.
Magluwas sa cash, naghatag man kanday Lagdameo kag Gatchalian sang mga relief goods.
Yara man sa kabug-usan nga P786,000 nga balor sang financial assistance nga nahatag sa 157 ka mga residente sa Balabagan Evacuation Center.
Nakabaton man ang mga bakwit sang tig-P100,000 kada para sa pamilya nga nagub-an sang balay, kag P10,000 kada isa para sa mga nadulaan sang pangabuhian.
