Ginmandu ni Presidente Marcos ang Philippine Coconut Authority (PCA) nga doblehon ang target sang pagtanom sang lubi sa masunod nga tuig sa 50 milyon ka puno agud pasangkad ang industriya kag mabalik ang Pilipinas bilang pinakamataas nga magaproduce sang lubi sa kalibutan.
Nagsiling ang Department of Agriculture (DA) nga gin-aprubahan ni Marcos ang budget nga sobra P7 bilyon para sini nga programa, kabahin sang lima ka tuig nga plano nga magtanim sang 100 milyon ka punòotubtob 2028.
Sa karon, may 8.5 milyon na ka puno ang natanum sa 2024, kag may plano pa nga magtanom sang dugang 15 milyon antes matapos ang tuig.
Importante ang replanting kay madamo na ang mga lubi nga tigulang, gani naganubo ang harvest.
Ang pagsaka sang demand kag presyo sang coconut oil sa kalibutan ang nagaduso man sini nga programa.
Sa 2024, naka-produce ang Indonesia sang 17.13 milyon metric tons sang lubi, samtang ang Pilipinas naka-produce sang 14.77 milyon metric tons.
Nakabaton man ang DA sang P1.8 bilyon para fertilization sang mga nagatubo na nga puno para mapasangkad ang harvest.
