Ginsuspende sang Philippine Basketball Association (PBA) ang referee nga si Jeff Tantay bangud sa sala nga foul call sa nangin hampang sang TNT Tropang 5G kag Meralco Bolts sang Miyerkules (January 14).
Suno kay PBA Commissioner Willie Marcial, napaslawan si Tantay nga magtawag sang foul batok kay Calvin Oftana (TNT) sa clutch time sang Game 5 sa TNT-Meralco semis series.
Nagaguwa nga natandog ni Oftana ang shooting hand ni CJ Cansino (Bolts) samtang ginatinguhaan ni Cansino nga isulod ang isa ka field goal sa ulihi nga siyam nga segundo sang nasambit nga hampang.
Ginkwestyon sang Bolts ang sala ni Tantay nga magtawag sang foul kag gilayon man gin-aksyonan ang liga.
Suno kay Marcial, pagadesisiyonan pa sang Commissioner’s Office kun ang suspension ni Tantay ang para lang sa pila ka game ukon sa kabug-usan sang conference.
