KORONADAL CITY– Pay-out kag indi suno pa pack lunch ang ginkadtu sang mga nagtambong sa pagtilipon nga ginhiwat sa Sitio Bayabas, Barangay Tasiman, Lake Sebu, South Cotabato nga nagresulta sang pagpalanakit sang tiyan sang pipila ka mga pumuluyo.
Ini ang ginpahayag ni Barangay Kapitan Joel Madlon sa interbyu sang Bombo Radyo Koronadal.
Suno sa kapitan, pakaisa niya ang nasambit nga organizer nga si Aiwing Gadung kag indi matuod ang ginpahayag sini mga pamilya nila lamang ang nagtambong sa nasambit nga pagtilipon.
Sa pagkamatuod, wala naka courtesy call sa Barangay ang grupo ni Gadung nga madamo gale ang magtambong sa nasambit nga aktibidad.
Dugang pa ni Kapitan Madlon, indi lamang mga residente sa nagkalain lain nga Sitio sa Tasiman kag Lamfugon ang nagtambong apang mangin man ang Poblacion kag iban pa nga barangay.
Naawhag suno pa ang mga nagtambong bangud sa ginapanghatag nga P300 per head kag gasolina sa mga ginlista kag nakapadulong sa pagtilipon.
Ginaduso naman nga ginatudlo ni Kapitan Madlon ang grupo nanday South Cotabato Governor Reynaldo Tamayo Jr nga naghatag sang pundo para sa nasambit nga pay out.
Sa pagkamatuod, ikaduha na nga pay out suno pa ang ginhimo sa farm ni Gadung.
Kaangot sini, gina basol ni Kapitan Madlon kay Gadung ang panghilitabo.
Samtang nagpasalamat naman ang Barangay Official sa tanan nga nagbulig ilabi na sa MDRRMO sa pagrescue/ pagtransport sang mga biktima padulong sa balay bululngan.
